Divine artwork representing Sri Ganesha Namashtakam

శ్రీ గణేశ నామాష్టకం

Sri Ganesha Namashtakam

🐘

శ్రీ గణేశ నామాష్టకం

Sri Ganesha Namashtakam

14 శ్లోకాలు🐘 Lord Ganesha

శ్రీ బ్రహ్మవైవర్త పురాణంలోని ఈ “గణేశ నామాష్టక స్తోత్రం” అత్యంత విశిష్టమైనది. ఇందులో గణపతి యొక్క ఎనిమిది నామాల వెనుక ఉన్న గూఢార్థాలను (నిరుక్తం) సాక్షాత్తు శ్రీమహావిష్ణువు పార్వతీదేవికి వివరించారు. ఈ నామాష్టకాన్ని పఠించడం వల్ల సర్వ విఘ్నాలు తొలగిపోతాయి. జడుడు సైతం మహా పండితుడు (కవీంద్రుడు) అవుతాడు. సంతానం లేని వారికి పుత్ర ప్రాప్తి, విద్యార్థులకు విద్యా లాభం కలుగుతాయి.

🔍

వేగం:

Script:

శ్రీవిష్ణురువాచ |
గణేశమేకదంతం చ హేరంబం విఘ్ననాయకమ్ |
లంబోదరం శూర్పకర్ణం గజవక్త్రం గుహాగ్రజమ్  ॥ ౧ ॥ 

నామాష్టార్థం చ పుత్రస్య శృణు మాతర్హరప్రియే |
స్తోత్రాణాం సారభూతం చ సర్వవిఘ్నహరం పరమ్  ॥ ౨ ॥ 

జ్ఞానార్థవాచకో గశ్చ ణశ్చ నిర్వాణవాచకః |
తయోరీశం పరం బ్రహ్మ గణేశం ప్రణమామ్యహమ్  ॥ ౩ ॥ 

ఏకశబ్దః ప్రధానార్థో దంతశ్చ బలవాచకః |
బలం ప్రధానం సర్వస్మాదేకదంతం నమామ్యహమ్  ॥ ౪ ॥ 

దీనార్థవాచకో హేశ్చ రంబః పాలకవాచకః |
దీనానాం పరిపాలకం హేరంబం ప్రణమామ్యహమ్  ॥ ౫ ॥ 

విపత్తివాచకో విఘ్నో నాయకః ఖండనార్థకః |
విపత్ఖండనకారకం నమామి విఘ్ననాయకమ్  ॥ ౬ ॥ 

విష్ణుదత్తైశ్చ నైవేద్యైర్యస్య లంబోదరం పురా |
పిత్రా దత్తైశ్చ వివిధైర్వందే లంబోదరం చ తమ్  ॥ ౭ ॥ 

శూర్పాకారౌ చ యత్కర్ణౌ విఘ్నవారణకారణౌ |
సంపదౌ జ్ఞానరూపౌ చ శూర్పకర్ణం నమామ్యహమ్  ॥ ౮ ॥ 

విష్ణుప్రసాదపుష్పం చ యన్మూర్ధ్ని మునిదత్తకమ్ |
తం గజేంద్రవక్త్రయుక్తం గజవక్త్రం నమామ్యహమ్  ॥ ౯ ॥ 

గుహస్యాగ్రే చ జాతోఽయమావిర్భూతో హరాలయే |
వందే గుహాగ్రజం దేవం సర్వదేవాగ్రపూజితమ్  ॥ ౧౦ ॥ 

ఏతన్నామాష్టకం స్తోత్రం నానార్థసంయుతం శుభమ్ |
త్రిసంధ్యం యః పఠేన్నిత్యం స సుఖీ సర్వతో జయీ  ॥ ౧౧ ॥ 

తతో విఘ్నాః పలాయంతే వైనతేయాద్యథోరగాః |
గణేశ్వరప్రసాదేన మహాజ్ఞానీ భవేద్ధ్రువమ్  ॥ ౧౨ ॥ 

పుత్రార్థీ లభతే పుత్రం భార్యార్థీ విపులాం స్త్రియమ్ |
మహాజడః కవీంద్రశ్చ విద్యావాంశ్చ భవేద్ధ్రువమ్  ॥ ౧౩ ॥ 

ఇతి శ్రీబ్రహ్మవైవర్తే గణపతిఖండే విష్ణూపదిష్టం శ్రీగణేశనామాష్టకమ్ |

❓ తరచుగా అడిగే ప్రశ్నలు (FAQs)

🕉️ View all శ్రీ గణేశుడు Stotrams / శ్రీ గణేశుడు స్తోత్రాలు అన్నీ చూడండి

ఈ పాఠ్యంలో ఏదైనా తప్పు లేదా పాఠాంతరం గమనించారా? తప్పులు మరియు సవరణలను తెలియజేయడానికి ఇక్కడ క్లిక్ చేయండి.

← Previousశ్రీ గణేశ మూలమంత్రపదమాలా స్తోత్రం Next →శ్రీ గణేశ పంచచామర స్తోత్రం

✦ 🙏 ✦