శ్రీ రత్నగర్భ గణేశ విలాస స్తుతిః వ్రాసినది ఎవరు?

శ్రీ రత్నగర్భ గణేశ విలాస స్తుతిః స్తోత్రమును శ్రీ సుబ్రహ్మణ్య యోగి గారు రచించారు.

శ్రీ రత్నగర్భ గణేశ విలాస స్తుతిః పఠించడం వల్ల కలిగే ప్రయోజనాలు ఏమిటి?

శ్రీ రత్నగర్భ గణేశ విలాస స్తుతిః స్తోత్రం పఠించడం ద్వారా దైవ అనుగ్రహము, ప్రశాంతత మరియు మనశ్శాంతి లభిస్తాయి. శ్రీ రత్నగర్భ గణేశ విలాస స్తుతిః (Sri Ratna Garbha Ganesha Vilasa Stotram) — విఘ్నేశ్వరుని అనుగ్రహం కొరకు పఠించవలసిన పవిత్ర స్తోత్రం.

ఈ స్తోత్రం ఏ దేవతకు సంబంధించినది?

ఈ స్తోత్రం శ్రీ గణేశుడు కి సంబంధించినది. శ్రీ గణేశుడు అనుగ్రహాన్ని పొందడానికి ఈ స్తోత్రాన్ని భక్తితో పఠించండి.

శ్రీ రత్నగర్భ గణేశ విలాస స్తుతిః

Sri Ratna Garbha Ganesha Vilasa Stotram

🐘

శ్రీ రత్నగర్భ గణేశ విలాస స్తుతిః

Sri Ratna Garbha Ganesha Vilasa Stotram

37 శ్లోకాలు🐘 Lord Ganesha

శ్రీ రత్నగర్భ గణేశ విలాస స్తుతిః (Sri Ratna Garbha Ganesha Vilasa Stotram) — విఘ్నేశ్వరుని అనుగ్రహం కొరకు పఠించవలసిన పవిత్ర స్తోత్రం.

🔍

వేగం:

Script:

వామదేవతనూభవం నిజవామభాగసమాశ్రితం
వల్లభామాశ్లిష్య తన్ముఖవల్గువీక్షణదీక్షితమ్ |
వాతనందన వాంఛితార్థవిధాయినం సుఖదాయినం
వారణాననమాశ్రయే వందారువిఘ్ననివారణమ్  ॥ ౧ ॥ 

కారణం జగతాం కలాధరధారిణం శుభకారిణం
కాయకాంతి జితారుణం కృతభక్తపాపవిదారిణమ్ |
వాదివాక్సహకారిణం వారాణసీసంచారిణం
వారణాననమాశ్రయే వందారువిఘ్ననివారణమ్  ॥ ౨ ॥ 

మోహసాగరతారకం మాయావికుహనావారకం
మృత్యుభయపరిహారకం రిపుకృత్యదోషనివారకమ్ |
పూజకాశాపూరకం పుణ్యార్థసత్కృతికారకం
వారణాననమాశ్రయే వందారువిఘ్ననివారణమ్  ॥ ౩ ॥ 

ఆఖుదైత్యరథాంగమరుణమయూఖమర్థి సుఖార్థినం
శేఖరీకృత చంద్రరేఖముదారసుగుణమదారుణమ్ |
శ్రీఖనిం శ్రితభక్తనిర్జరశాఖినం లేఖావనం
వారణాననమాశ్రయే వందారువిఘ్ననివారణమ్  ॥ ౪ ॥ 

తుంగమూషకవాహనం సురపుంగవారి విమోహనం
మంగళాయతనం మహాజనభృంగశాంతివిధాయినమ్ |
అంగజాంతకనందనం సుఖభృంగపద్మోదంచనం
వారణాననమాశ్రయే వందారువిఘ్ననివారణమ్  ॥ ౫ ॥ 

రాఘవేశ్వరరక్షకం రక్షౌఘశిక్షణదక్షకం
శ్రీఘనం శ్రితమౌనివచనామోఘతాసంపాదనమ్ |
శ్లాఘనీయదయాగుణం మఘవత్తపః ఫలపూరణం
వారణాననమాశ్రయే వందారువిఘ్ననివారణమ్  ॥ ౬ ॥ 

కంచనశ్చ్యుతిగోప్యభావమకించనాంశ్చ దయారసైః
సించతా నిజవీక్షణేన సమంచితార్థసుఖాస్పదమ్ |
పంచవక్త్రసుతం సురద్విడ్వంచనాధృత కౌశలం
వారణాననమాశ్రయే వందారువిఘ్ననివారణమ్  ॥ ౭ ॥ 

యచ్ఛతక్రతుకామితం ప్రాయచ్ఛదర్చితమాదరా-
-ద్యచ్ఛతచ్ఛదసామ్యమన్వనుగచ్ఛతీచ్ఛతి సౌహృదమ్ |
తచ్ఛుభంయుకరాంబుజం తవ దిక్పతిశ్రియమర్థినే
వారణాననమాశ్రయే వందారువిఘ్ననివారణమ్  ॥ ౮ ॥ 

రాజరాజ కిరీటకోటి విరాజమాన మణిప్రభా
పుంజరంజితమంజులాంఘ్రి సరోజమజ వృజినాపహమ్ |
భంజకం దివిషద్ద్విషామనురంజకం మునిసంతతే-
-ర్వారణాననమాశ్రయే వందారువిఘ్ననివారణమ్  ॥ ౯ ॥ 

శిష్టకష్టనిబర్హణం సురజుష్టనిజపదవిష్టరం
దుష్టశిక్షణధూర్వహం మునిపుష్టితుష్టీష్టప్రదమ్ |
అష్టమూర్తిసుతం సుకరుణావిష్టమవినష్టాదరం
వారణాననమాశ్రయే వందారువిఘ్ననివారణమ్  ॥ ౧౦ ॥ 

శుంఠశుష్క వితర్కహరణాకుంఠశక్తిదమర్థినే
శాఠ్యవిరహితవితరణం శ్రీకంఠకృతసంభాషణమ్ |
కాఠకశ్రుతిగోచరం కృతమాఠపత్యపరీక్షణం
వారణాననమాశ్రయే వందారువిఘ్ననివారణమ్  ॥ ౧౧ ॥ 

పుండరీకకృతాననం శశిఖండకలితశిఖండకం
కుండలీశ్వరమండితోదరమండజేశాభీష్టదమ్ |
దండపాణిభయాపహం మునిమండలీ పరిమండనం
వారణాననమాశ్రయే వందారువిఘ్ననివారణమ్  ॥ ౧౨ ॥ 

గూఢమామ్నాయాశయం పరిలీఢమర్థిమనోరథై-
-ర్గాఢమాశ్లిష్టం గిరీశ గిరీశజాభ్యాం సాదరమ్ |
ప్రౌఢసరసకవిత్వసిద్ధిద మూఢనిజభక్తావనం
వారణాననమాశ్రయే వందారువిఘ్ననివారణమ్  ॥ ౧౩ ॥ 

పాణిధృతపాశాంకుశం గీర్వాణగణసందర్శకం
శోణదీధితిమప్రమేయమపర్ణయా పరిపోషితమ్ |
కాణఖంజకుణీష్టదం విశ్రాణితద్విజనామితం
వారణాననమాశ్రయే వందారువిఘ్ననివారణమ్  ॥ ౧౪ ॥ 

భూతభవ్యభవద్విభుం పరిధూతపాతకమీశసం-
-జాతమంఘ్రి విలాస జితకంజాతమజితమరాతిభిః |
శీతరశ్మిరవీక్షణం నిర్గీతమామ్నాయోక్తిభి-
-ర్వారణాననమాశ్రయే వందారువిఘ్ననివారణమ్  ॥ ౧౫ ॥ 

ప్రార్థనీయపదం మహాత్మభిరర్థితం పురవైరిణా-
-ఽనాథవర్గమనోరథానపి సార్థయంతమహర్నిశమ్ |
పాంథసత్పథదర్శకం గణనాథమస్మద్దైవతం
వారణాననమాశ్రయే వందారువిఘ్ననివారణమ్  ॥ ౧౬ ॥ 

ఖేదశామకసుచరితం స్వాభేదబోధకమద్వయం
మోదహేతుగుణాకరం వాగ్వాదవిజయదమైశ్వరమ్ |
శ్రీమదనుపమసౌహృదం మదనాశకం రిపుసంతతే-
-ర్వారణాననమాశ్రయే వందారువిఘ్ననివారణమ్  ॥ ౧౭ ॥ 

ముగ్ధమౌగ్ధ్యనివర్తకం రుచిముగ్ధముర్వనుకంపయా
దిగ్ధముద్ధృత పాదనత జనముద్ధరంతమిమం చ మామ్ |
శుద్ధచిత్సుఖవిగ్రహం పరిశుద్ధవృత్త్యభిలక్షితం
వారణాననమాశ్రయే వందారువిఘ్ననివారణమ్  ॥ ౧౮ ॥ 

సానుకంపమనారతం మునిమానసాబ్జమరాలకం
దీనదైన్యవినాశకం సితభానురేఖాశేఖరమ్ |
గానరసవిద్గీతసుచరితమేనసామపనోదకం
వారణాననమాశ్రయే వందారువిఘ్ననివారణమ్  ॥ ౧౯ ॥ 

కోపతాపనిరాసకం సామీప్యదం నిజసత్కథా-
-లాపినాం మనుజాపి జనతాపాపహరమఖిలేశ్వరమ్ |
సాపరాధిజనాయశాపదమాపదామపహారకం
వారణాననమాశ్రయే వందారువిఘ్ననివారణమ్  ॥ ౨౦ ॥ 

రిఫ్ఫగేషు ఖగేషు జాతో దుష్ఫలం సమవాప్నుయా-
-త్సత్ఫలాయ గణేశమర్చతు నిష్ఫలం న తదర్పణమ్ |
యః ఫలీభూతః క్రతూనాం తత్ఫలానామీశ్వరం
వారణాననమాశ్రయే వందారువిఘ్ననివారణమ్  ॥ ౨౧ ॥ 

అంబరం యద్వద్వినిర్మలమంబుదైరాచ్ఛాద్యతే
బింబభూతమముష్య జగతః సాంబసుతమజ్ఞానతః |
తం బహిః సంగూహితం హేరంబమాలంబం సతాం
వారణాననమాశ్రయే వందారువిఘ్ననివారణమ్  ॥ ౨౨ ॥ 

దంభకర్మాచరణకృత సౌరంభయాజిముఖే మను-
-స్తంభకారిణమంగనాకుచకుంభపరిరంభాతురైః |
శంభుసుతమారాధితం కృతిసంభవాయ చ కామిభి-
-ర్వారణాననమాశ్రయే వందారువిఘ్ననివారణమ్  ॥ ౨౩ ॥ 

స్తౌమి భూతగణేశ్వరం సప్రేమమాత్మస్తుతిపరే
కామితప్రదమర్థినే ధృతసోమమభయదమాశ్వినే |
శ్రీమతా నవరాత్రదీక్షోద్దామవైభవభావితం
వారణాననమాశ్రయే వందారువిఘ్ననివారణమ్  ॥ ౨౪ ॥ 

ఆయురారోగ్యాదికామితదాయినం ప్రతిహాయనం
శ్రేయసే సర్వైర్యుగాదౌ భూయసే సంభావితమ్ |
కాయజీవవియోగ కాలాపాయహరమంత్రేశ్వరం
వారణాననమాశ్రయే వందారువిఘ్ననివారణమ్  ॥ ౨౫ ॥ 

వైరిషట్కనిరాసకం కామారికామితజీవితం
శౌరిచింతాహారకం కృతనారికేలాహారకమ్ |
దూరనిర్జితపాతకం సంసారసాగరసేతుకం
వారణాననమాశ్రయే వందారువిఘ్ననివారణమ్  ॥ ౨౬ ॥ 

కాలకాలకలాభవం కలికాలికాఘవిరోధినం
మూలభూతమముష్యజగతః శ్రీలతోపఘ్నాయితమ్ |
కీలకం మంత్రాదిసిద్ధేః పాలకం మునిసంతతే-
-ర్వారణాననమాశ్రయే వందారువిఘ్ననివారణమ్  ॥ ౨౭ ॥ 

భావుకారంభావసరసంభావితం భర్గేప్సితం
సేవకావనదీక్షితం సహభావమోజస్తేజసోః |
పావనం దేవేషు సామస్తావకేష్టవిధాయకం
వారణాననమాశ్రయే వందారువిఘ్ననివారణమ్  ॥ ౨౮ ॥ 

కాశికాపురకలితనివసతిమీశమస్మచ్చేతసః
పాశిశిక్షాపారవశ్యవినాశకం శశిభాసకమ్ |
కేశవాదిసమర్చితం గౌరీశగుప్తమహాధనం
వారణాననమాశ్రయే వందారువిఘ్ననివారణమ్  ॥ ౨౯ ॥ 

పేషకం పాపస్య దుర్జనశోషకం సువిశేషకం
పోషకం సుజనస్య సుందరవేషకం నిర్దోషకమ్ |
మూషకం త్వధిరుహ్య భక్తమనీషిత ప్రతిపాదకం
వారణాననమాశ్రయే వందారువిఘ్ననివారణమ్  ॥ ౩౦ ॥ 

వాసవాదిసురార్చితం కృతవాసుదేవాభీప్సితం
భాసమానమురుప్రభాభిరుపాసకాధికసౌహృదమ్ |
హ్రాసకం దురహంకృతేర్నిర్యాసకం రక్షస్తతే-
-ర్వారణాననమాశ్రయే వందారువిఘ్ననివారణమ్  ॥ ౩౧ ॥ 

బాహులేయగురుం త్రయీ యం ప్రాహ సర్వగణేశ్వరం
గూహితం మునిమానసైరవ్యాహతాధికవైభవమ్ |
ఆహితాగ్నిహితం మనీషిభిరూహితం సర్వత్ర తం
వారణాననమాశ్రయే వందారువిఘ్ననివారణమ్  ॥ ౩౨ ॥ 

కేళిజితసురశాఖినం సురపాలపూజితపాదుకం
వ్యాళపరిబృఢ కంకణం భక్తాళిరక్షణదీక్షితమ్ |
కాళికాతనయం కళానిధిమౌళిమామ్నాయస్తుతం
వారణాననమాశ్రయే వందారువిఘ్ననివారణమ్  ॥ ౩౩ ॥ 

దక్షిణేన సురేషు దుర్జనశిక్షణేషు పటీయసా
రక్షసామపనోదకేన మహోక్షవాహప్రేయసా |
రక్షితా వయమక్షరాష్టకలక్షజపతో యేన వై
వారణాననమాశ్రయే వందారువిఘ్ననివారణమ్  ॥ ౩౪ ॥ 

రత్నగర్భగణేశ్వరస్తుతి నూత్నపద్యతతిం పఠే-
-ద్యత్నవాన్యః ప్రతిదినం ద్రాక్ప్రత్నవాక్సదృశార్థదామ్ |
రత్నరుక్మసుఖోచ్ఛ్రయం సాపత్నవిరహితమాప్నుయా-
-ద్వారణాననమాశ్రయే వందారువిఘ్ననివారణమ్  ॥ ౩౫ ॥ 

సిద్ధినాయకసంస్తుతిం సిద్ధాంతి సుబ్రహ్మణ్యహృ-
-చ్ఛుద్ధయే సముదీరితాం వాగ్బుద్ధిబలసందాయినీమ్ |
సిద్ధయే పఠతానువాసరమీప్సితస్య మనీషిణః
శ్రద్ధయా నిర్నిఘ్నసంపద్వృద్ధిరపి భవితా యతః  ॥ ౩౬ ॥ 

ఇతి శ్రీసుబ్రహ్మణ్యయోగివిరచితం రత్నగర్భ గణేశ విలాస స్తుతిః |

❓ తరచుగా అడిగే ప్రశ్నలు (FAQs)

🕉️ View all శ్రీ గణేశుడు Stotrams / శ్రీ గణేశుడు స్తోత్రాలు అన్నీ చూడండి

ఈ పాఠ్యంలో ఏదైనా తప్పు లేదా పాఠాంతరం గమనించారా? తప్పులు మరియు సవరణలను తెలియజేయడానికి ఇక్కడ క్లిక్ చేయండి.

← Previousశ్రీరామ పట్టాభిషేక సర్గః Next →శ్రీ రుద్రప్రశ్నః - లఘున్యాసః

✦ 🙏 ✦

శ్రీ రత్నగర్భ గణేశ విలాస స్తుతిః

శ్రీ రత్నగర్భ గణేశ విలాస స్తుతిః

❓ తరచుగా అడిగే ప్రశ్నలు (FAQs)

Related Stotrams

ద్వాత్రింశద్గణపతి ధ్యాన శ్లోకాః

బ్రహ్మణస్పతి సూక్తమ్

చింతామణి షట్పదీ

శ్రీ గజానన స్తోత్రం (దేవర్షి కృతం)