శ్రీరామ పట్టాభిషేక సర్గః వ్రాసినది ఎవరు?

శ్రీరామ పట్టాభిషేక సర్గః స్తోత్రమును మహర్షి వాల్మీకి గారు రచించారు.

ఈ స్తోత్రం ఏ దేవతకు సంబంధించినది?

ఈ స్తోత్రం శ్రీ రాముడు కి సంబంధించినది. శ్రీ రాముడు అనుగ్రహాన్ని పొందడానికి ఈ స్తోత్రాన్ని భక్తితో పఠించండి.

Sri Rama Pattabhisheka Sargah in Telugu

Q: శ్రీరామ పట్టాభిషేక సర్గః పఠించడం వల్ల కలిగే ప్రయోజనాలు ఏమిటి?

శ్రీరామ పట్టాభిషేక సర్గః స్తోత్రం పఠించడం ద్వారా దైవ అనుగ్రహము, ప్రశాంతత మరియు మనశ్శాంతి లభిస్తాయి. శ్రీరామ పట్టాభిషేక సర్గః అనేది శ్రీమద్రామాయణము యుద్ధకాండలోని చివరి ఘట్టం (128వ సర్గ). లంకలో రావణ సంహారం ముగిసిన తర్వాత, శ్రీరామచంద్రుడు సీతా లక్ష్మణ సమేతుడై అయోధ్యకు తిరిగి వచ్చి, అత్యంత వైభవంగా పట్టాభిషిక్తుడైన మంగళకర ఘట్టాన్ని ఈ సర్గ వర్ణిస్తుంది. ఈ సర్గను భక్తితో పారాయణం చేయడం వల్ల ఇంట్లో శాంతి, సకల ఐశ్వర్యాలు, సుఖసంతోషాలు సిద్ధిస్తాయి.

👑

శ్రీరామ పట్టాభిషేక సర్గః

Sri Rama Pattabhisheka Sargah

125 శ్లోకాలు🏹 Lord Rama

శ్రీరామ పట్టాభిషేక సర్గః అనేది శ్రీమద్రామాయణము యుద్ధకాండలోని చివరి ఘట్టం (128వ సర్గ). లంకలో రావణ సంహారం ముగిసిన తర్వాత, శ్రీరామచంద్రుడు సీతా లక్ష్మణ సమేతుడై అయోధ్యకు తిరిగి వచ్చి, అత్యంత వైభవంగా పట్టాభిషిక్తుడైన మంగళకర ఘట్టాన్ని ఈ సర్గ వర్ణిస్తుంది. ఈ సర్గను భక్తితో పారాయణం చేయడం వల్ల ఇంట్లో శాంతి, సకల ఐశ్వర్యాలు, సుఖసంతోషాలు సిద్ధిస్తాయి.

🕉️ తాత్పర్యం (Overall Meaning)

ఈ సర్గ యొక్క సమగ్ర తాత్పర్యం ఏమిటంటే, పద్ధాలుగు సంవత్సరాల వనవాస క్లేశాన్ని ముగించి అయోధ్యకు చేరిన శ్రీరామునికి వశిష్ఠుడు, వామదేవుడు మొదలైన మహర్షులు పవిత్ర నదీ జలాలతో పట్టాభిషేకం చేశారు. ఈ శుభ మహోత్సవంలో దేవతలు, గంధర్వులు, వానరులు, రాక్షసులు మరియు అయోధ్యా ప్రజలందరూ పాల్గొని సంతోషించారు. రాముని పాలనలో (రామరాజ్యంలో) ప్రజలందరూ వ్యాధులు, దరిద్రం, అకాల మరణాలు లేక ధర్మపరులై వెలిగారు. ఈ అద్భుత పట్టాభిషేక ఘట్టాన్ని పారాయణం చేసేవారికి సకల పాపవిముక్తి, సంపద, దీర్ఘాయువు సిద్ధించును.

📖 సులభమైన వివరణ (Simple Explanation)

వాల్మీకి రామాయణంలోని యుద్ధకాండలో ఉన్న ఈ స్తోత్ర ఘట్టం హిందూ ధర్మంలో అత్యంత ప్రశస్తమైనది. సుందరకాండ లేదా రామాయణ పారాయణ పూర్తి చేసిన తర్వాత తప్పనిసరిగా పట్టాభిషేక సర్గను పఠించడం సంప్రదాయం. భరతుడు లక్ష్మణ సమేతుడై రామునికి రాజ్యాన్ని సమర్పించడం, వానరులు నాలుగు సముద్రాల నుండి తెచ్చిన పవిత్ర తీర్థాలతో అభిషేకం చేయడం, వశిష్ఠ మహర్షి మనువు ధరించిన కిరీటాన్ని రామునికి అలంకరించడం వంటి ఘట్టాలు ఇందులో వర్ణించబడ్డాయి. ఇది కేవలం ఒక ఉత్సవ వర్ణన కాదు, ఇది సాధకుడి హృదయంలో జ్ఞానానికి పట్టాభిషేకం జరగడాన్ని సూచించే ఆధ్యాత్మిక సంకేతం.

🔍

వేగం:

Script:

శిరస్యంజలిమాధాయ కైకేయీనందివర్ధనః ।
బభాషే భరతో జ్యేష్ఠం రామం సత్యపరాక్రమమ్ |

పూజితా మామికా మాతా దత్తం రాజ్యమిదం మమ ।
తద్ దదామి పునస్తుభ్యం యథా త్వమదదా మమ |

ధురమేకాకినా న్యస్తాం వృషభేణ బలీయసా ।
కిశోరవద్ గురుం భారం న వోఢుమహముత్సహే |

వారివేగేన మహతా భిన్నః సేతురివ క్షరన్ ।
దుర్బంధనమిదం మన్యే రాజ్యచ్ఛిద్రమసంవృతం |

గతిం ఖర ఇవాశ్వస్య హంసస్యేవ చ వాయసః ।
నాన్వేతుముత్సహే వీర తవ మార్గమరిందమ |

యథా చారోపితో వృక్షో జాతశ్చాంతర్నివేశనే ।
మహానపి దురారోహో మహాస్కంధః ప్రశాఖవాన్ |

శీర్యేత పుష్పితో భూత్వా న ఫలాని ప్రదర్శయన్ ।
తస్య నానుభవేదర్థం యస్య హేతోః స రోపితః |

ఏషోపమా మహాబాహో త్వమర్థం వేత్తుమర్హసి ।
యద్యస్మాన్ మనుజేంద్ర త్వం భర్తా భృత్యాన్ న శాధి హి |

జగదద్యాభిషిక్తం త్వామనుపశ్యతు రాఘవ ।
ప్రతపంతమివాదిత్యం మధ్యాహ్నే దీప్తతేజసమ్ |

తూర్యసంఘాతనిర్ఘోషైః కాంచీనూపురనిఃస్వనైః ।
మధురైర్గీతశబ్దైశ్చ ప్రతిబుధ్యస్వ శేష్వ చ |

యావదావర్తతే చక్రం యావతీ చ వసుంధరా ।
తావత్ త్వమిహ లోకస్య స్వామిత్వమనువర్తయ |

భరతస్య వచః శ్రుత్వా రామః పరపురంజయః ।
తథేతి ప్రతిజగ్రాహ నిషసాదాసనే శుభే |

తతః శత్రుఘ్నవచనాత్ నిపుణాః శ్మశ్రువర్ధనాః ।
సుఖహస్తాః సుశీఘ్రాశ్చ రాఘవం పర్యవారయన్ |

పూర్వం తు భరతే స్నాతే లక్ష్మణే చ మహాబలే ।
సుగ్రీవే వానరేంద్రే చ రాక్షసేంద్రే విభీషణే |

విశోధితజటః స్నాతశ్చిత్రమాల్యానులేపనః ।
మహార్హవసనోపేతస్తస్థౌ తత్ర శ్రియా జ్వలన్ |

ప్రతికర్మ చ రామస్య కారయామాస వీర్యవాన్ ।
లక్ష్మణస్య చ లక్ష్మీవాన్ కాకుత్స్థకులవర్ధనః |

ప్రతికర్మ చ సీతాయాః సర్వా దశరథస్త్రియః ।
ఆత్మనైవ తదా చక్రుర్మనస్విన్యో మనోహరమ్ |

తతో వానరపత్నీనాం సర్వాసామేవ శోభనమ్ ।
చకార యత్నాత్ కౌసల్యా ప్రహృష్టా పుత్రవత్సలా |

తతః శత్రుఘ్నవచనాత్ సుమంత్రో నామ సారథిః ।
యోజయిత్వాభిచక్రామ రథం సర్వాంగశోభనమ్ |

అగ్న్యర్కవిమలసంకాశం దివ్యం దృష్ట్వా రథం స్థితమ్ ।
ఆరురోహ మహాబాహుః రామో పరపురంజయః |

సుగ్రీవో హనుమాంశ్చైవ మహేంద్రసదృశద్యుతీ ।
స్నాతౌ దివ్యనిర్వస్త్రైర్జగ్మతుః శుభకుండలౌ |

సర్వాభరణజుష్టాశ్చ యయుస్తాః శుభకుండలాః ।
సుగ్రీవపత్న్యః సీతా చ ద్రష్టుం నగరముత్సుకాః |

అయోధ్యాయాం చ సచివా రాజ్ఞో దశరథస్య చ ।
పురోహితం పురస్కృత్య మంత్రయామాసురర్థవత్ |

అశోకో విజయశ్చైవ సిద్ధార్థశ్చ సమాహితాః ।
మంత్రయన్ రామవృద్ధ్యర్థమృద్ధ్యర్థం నగరస్య చ |

సర్వమేవాభిషేకార్థం జయార్హస్య మహాత్మనః ।
కర్తుమర్హథ రామస్య యద్యన్మంగళపూర్వకమ్ |

ఇతి తే మంత్రిణః సర్వే సందిశ్య చ పురోహితః ।
నగరాన్నిర్యయుస్తూర్ణం రామదర్శనబుద్ధయః |

హరియుక్తం సహస్రాక్షో రథమింద్ర ఇవానఘః ।
ప్రయయౌ రథమాస్థాయ రామో నగరముత్తమమ్ |

జగ్రాహ భరతో రశ్మీన్ శత్రుఘ్నశ్ఛత్రమాదదే ।
లక్ష్మణో వ్యజనం తస్య మూర్ధ్ని సంవీజయంస్తదా |

శ్వేతం చ వాలవ్యజనం జగృహే పరితః స్థితః ।
అపరం చంద్రసంకాశం రాక్షసేంద్రో విభీషణః |

ఋషిసంఘైస్తదాకాశే దేవైశ్చ సమరుద్గణైః ।
స్తూయమానస్య రామస్య శుశ్రువే మధురధ్వనిః |

తతః శత్రుంజయం నామ కుంజరం పర్వతోపమమ్ ।
ఆరురోహ మహాతేజాః సుగ్రీవః ప్లవగర్షభః |

నవనాగసహస్రాణి యయురాస్థాయ వానరాః ।
మానుషం విగ్రహం కృత్వా సర్వాభరణభూషితాః |

శంఖశబ్దప్రణాదైశ్చ దుందుభీనాం చ నిఃస్వనైః ।
ప్రయయౌ పురుషవ్యాఘ్రస్తాం పురీం హర్మ్యమాలినీమ్ |

దదృశుస్తే సమాయాంతం రాఘవం సపురఃసరమ్ ।
విరాజమానం వపుషా రథేనాతిరథం తదా |

తే వర్ధయిత్వా కాకుత్స్థం రామేణ ప్రతినందితాః ।
అనుజగ్ముర్మహాత్మానం భ్రాతృభిః పరివారితమ్ |

అమాత్యైర్బ్రాహ్మణైశ్చైవ తథా ప్రకృతిభిర్వృతః ।
శ్రియా విరురుచే రామో నక్షత్రైరివ చంద్రమాః |

స పురోగామిభిస్తూర్యైస్తాలస్వస్తికపాణిభిః ।
ప్రవ్యాహరద్భిర్ముదితైర్మంగళాని వృతో యయౌ |

అక్షతం జాతరూపం చ గావః కన్యాః సహద్విజాః ।
నరా మోదకహస్తాశ్చ రామస్య పురతో యయుః |

సఖ్యం చ రామః సుగ్రీవే ప్రభావం చానిలాత్మజే ।
వానరాణాం చ తత్ కర్మ హ్యాచచక్షేఽథ మంత్రిణామ్ |

శ్రుత్వా చ విస్మయం జగ్మురయోధ్యాపురవాసినః ।
వానరాణాం చ తత్ కర్మ రాక్షసానాం చ తద్ బలమ్ ।
విభీషణస్య సంయోగమాచచక్షేఽథ మంత్రిణామ్ |

ద్యుతిమానేతదాఖ్యాయ రామో వానరసంయుతః ।
హృష్టపుష్టజనాకీర్ణామయోధ్యాం ప్రవివేశ సః |

తతో హ్యభ్యుచ్ఛయన్ పౌరాః పతాకాశ్చ గృహే గృహే ।
ఇక్ష్వాకుధ్యుషితం రమ్యమాససాద పితుర్గృహమ్ |

అథాబ్రవీద్ రాజపుత్రో భరతం ధర్మిణాం వరమ్ ।
అర్థోపహితయా వాచా మధురం రఘునందనః |

పితుర్భవనమాసాద్య ప్రవిశ్య చ మహాత్మనః ।
కౌసల్యాం చ సుమిత్రాం చ కైకేయీమభివాద్య చ |

తచ్చ మద్భవనం శ్రేష్ఠం సాశోకవనికం మహత్ ।
ముక్తావైడూర్యసంకీర్ణం సుగ్రీవాయ నివేదయ |

తస్య తద్ వచనం శ్రుత్వా భరతః సత్యవిక్రమః ।
హస్తే గృహీత్వా సుగ్రీవం ప్రవివేశ తమాలయమ్ |

తతస్తైలప్రదీపాంశ్చ పర్యంకాస్తరణాని చ ।
గృహీత్వా వివిశుః క్షిప్రం శత్రుఘ్నేన ప్రచోదితాః |

ఉవాచ చ మహాతేజాః సుగ్రీవం రాఘవానుజః ।
అభిషేకాయ రామస్య దూతానాజ్ఞాపయ ప్రభో |

సౌవర్ణాన్ వానరేంద్రాణాం చతుర్ణాం చతురో ఘటాన్ ।
దదౌ క్షిప్రం స సుగ్రీవః సర్వరత్నవిభూషితాన్ |

తథా ప్రత్యూషసమయే చతుర్ణాం సాగరాంభసామ్ ।
పూర్ణైర్ఘటైః ప్రతీక్షధ్వం తథా కురుత వానరాః |

ఏవముక్తా మహాత్మానో వానరా వారణోపమాః ।
ఉత్పేతుర్గగనం శీఘ్రం గరుడా ఇవ శీఘ్రగాః |

జాంబవాంశ్చ హనూమాంశ్చ వేగదర్శీ చ వానరః ।
ఋషభశ్చైవ కలశాంజలపూర్ణానథానయన్ |

నదీశతానాం పంచానాం జలం కుంభైరుపాహరన్ ।
పూర్వాత్ సముద్రాత్ కలశం జలపూర్ణమథానయత్ |

సుషేణః సత్త్వసంపన్నః సర్వరత్నవిభూషితమ్ ।
ఋషభో దక్షిణాత్తూర్ణం సముద్రాజ్జలమానయత్ |

రక్తచందనకర్పూరైః సంవృతం కాంచనం ఘటమ్ ।
గవయః పశ్చిమాత్ తోయమాజహార మహార్ణవాత్ |

రత్నకుంభేన మహతా శీతం మారుతవిక్రమః ।
ఉత్తరాచ్చ జలం శీఘ్రం గరుడానిలవిక్రమః |

ఆజహార స ధర్మాత్మానిలః సర్వగుణాన్వితః ।
తతస్తైర్వానరశ్రేష్ఠైరానీతం ప్రేక్ష్య తజ్జలమ్ |

అభిషేకాయ రామస్య శత్రుఘ్నః సచివైః సహ ।
పురోహితాయ శ్రేష్ఠాయ సుహృద్భ్యశ్చ న్యవేదయత్ |

తతః స ప్రయతో వృద్ధో వసిష్ఠో బ్రాహ్మణైః సహ ।
రామం రత్నమయే పీఠే ససీతం సన్నవేశయత్ |

|వసిష్ఠో వామదేవశ్చ జాబాలిరథ కాశ్యపః ।
కాత్యాయనః సుయజ్ఞశ్చ గౌతమో విజయస్తథా |

అభ్యషించన్నరవ్యాఘ్రం ప్రసన్నేన సుగంధినా ।
సలిలేన సహస్రాక్షం వసవో వాసవం యథా |

ఋత్విగ్భిర్బ్రాహ్మణైః పూర్వం కన్యాభిర్మంత్రిభిస్తథా ।
యోధైశ్చైవాభ్యషించంస్తే సంప్రహృష్టైః సనైగమైః |

సర్వౌషధిరసైశ్చాపి దైవతైర్నభసి స్థితైః ।
చతుర్భిర్లోకపాలైశ్చ సర్వైర్దేవైశ్చ సంగతైః |

బ్రహ్మణా నిర్మితం పూర్వం కిరీటం రత్నశోభితమ్ ।
|
అభ్యషిక్తః పురా యేన మనుస్తం దీప్తతేజసమ్ |

తస్యాన్వవాయే రాజానః క్రమాద్ యేనాభిషేచితాః ।
సభాయాం హేమక్లృప్తాయాం శోభితాయాం మహాధనైః |

రత్నైర్నానావిధైశ్చైవ చిత్రితాయాం సుశోభనైః ।
నానారత్నమయే పీఠే కల్పయిత్వా యథావిధి |

కిరీటేన తతః పశ్చాద్ వసిష్ఠేన మహాత్మనా ।
ఋత్విగ్భిర్భూషణైశ్చైవ సమయోజిత రాఘవః |

ఛత్రం తస్య చ జగ్రాహ శత్రుఘ్నః పాండురం శుభమ్ ।
శ్వేతం చ వాలవ్యజనం సుగ్రీవో వానరేశ్వరః |

అపరం చంద్రసంకాశం రాక్షసేంద్రో విభీషణః ।
మాలాం జ్వలంతీం వపుషా కాంచనీం శతపుష్కరామ్ |

రాఘవాయ దదౌ వాయుర్వాసవేన ప్రచోదితః ।
సర్వరత్నసమాయుక్తం మణిభిశ్చ విభూషితమ్ |

ముక్తాహారం నరేంద్రాయ దదౌ శక్రప్రచోదితః ।
ప్రజగుర్దేవగంధర్వా ననృతుశ్చాప్సరోగణాః |

అభిషేకే తదర్హస్య తదా రామస్య ధీమతః ।
భూమిః సస్యవతీ చైవ ఫలవంతశ్చ పాదపాః |

గంధవంతి చ పుష్పాణి బభూవూ రాఘవోత్సవే ।
సహస్రశతమశ్వానాం ధేనూనాం చ గవాం తథా |

దదా శతవృషాన్ పూర్వం ద్విజేభ్యో మనుజర్షభః ।
త్రింశత్కోటీర్హిరణ్యస్య బ్రాహ్మణేభ్యో దదౌ పునః |

నానాభరణవస్త్రాణి మహార్హాణి చ రాఘవః ।
అర్కరశ్మిప్రతీకాశాం కాంచనీం మణివిగ్రహామ్ |

సుగ్రీవాయ స్రజం దివ్యాం ప్రాయచ్ఛన్మనుజాధిపః ।
వైడూర్యమయచిత్రే చ చంద్రరశ్మివిభూషితే |

వాలిపుత్రాయ ధృతిమానంగదాయాంగదే దదౌ ।
మణిప్రవరజుష్టం తం ముక్తాహారమనుత్తమమ్ |

సీతాయై ప్రదదౌ రామశ్చంద్రరశ్మిసమప్రభమ్ ।
అరజే వాససీ దివ్యే శుభానాణ్యాభరణాని చ |

అవేక్షమాణా వైదేహీ ప్రదదౌ వాయుసూనవే ।
అవముచ్యాత్మనః కంఠాద్ధారం జనకనందినీ |

అవైక్షత హరీన్ సర్వాన్ భర్తారం చ ముహుర్ముహుః ।
తామింగితజ్ఞః సంప్రేక్ష్య బభాషే జనకాత్మజామ్ |

ప్రదేహి సుభగే హారం యస్య తుష్టాసి భామిని ।
అథ సా వాయుపుత్రాయ తం హారమసితేక్షణా |

తేజో ధృతిర్యశో దాక్ష్యం సామర్థ్యం వినయో నయః ।
పౌరుషం విక్రమో బుద్ధిర్యస్మిన్నేతాని నిత్యదా |

హనూమాంస్తేన హారేణ శుశుభే వానరర్షభః ।
చంద్రాంశుచయగౌరేణ శ్వేతాభ్రేణ యథాచలః |

సర్వే వానరవృద్ధాశ్చ యే చాన్యే వానరోత్తమాః ।
వాసోభిర్భూషణైశ్చైవ యథార్హం ప్రతిపూజితాః |

విభీషణోఽథ సుగ్రీవో హనూమాంజాంబవాంస్తథా ।
సర్వే వానరముఖ్యాశ్చ రామేణాక్లిష్టకర్మణా |

యథార్హం పూజితాః సర్వే కామై రత్నైశ్చ పుష్కలైః ।
ప్రహృష్టమనసః సర్వే జగ్మురేవ యథాగతమ్ |

తతో ద్వివిదమైందాభ్యాం నీలాయ చ పరంతపః ।
సర్వాన్ కామగుణాన్ వీక్ష్య ప్రదదౌ వసుధాధిపః |

దృష్ట్వా సర్వే మహాత్మానస్తతస్తే వానరర్షభాః ।
విసృష్టాః పార్థివేంద్రేణ కిష్కింధాం సముపాగమన్ |

సుగ్రీవో వానరశ్రేష్ఠో దృష్ట్వా రామాభిషేచనమ్ ।
పూజితశ్చైవ రామేణ కిష్కింధాం ప్రావిశత్ పురీమ్ |

విభీషణోఽపి ధర్మాత్మా సహ తైర్నైరృతర్షభైః ।
లబ్ధ్వా కులధనం రాజా లంకాం ప్రాయాన్మహాయశాః |

స రాజ్యమఖిలమ్ శాసన్నిహతారిర్మహాయశాః ।
రాఘవః పరమోదారః శశాస పరయా ముదా ।
ఉవాచ లక్ష్మణం రామో ధర్మజ్ఞం ధర్మవత్సలః |

ఆతిష్ఠ ధర్మజ్ఞ మయా సహేమాం
గాం పూర్వరాజాధ్యుషితాం బలేన ।
తుల్యం మయా త్వం పితృభిర్ధృతా యా
తాం యౌవరాజ్యే ధురముద్వహస్వ |

సర్వాత్మనా పర్యనునీయమానో
యదా న సౌమిత్రిరుపైతి యోగమ్ ।
నియుజ్యమానో భువి యౌవరాజ్యే
తతోఽభ్యషించద్ భరతం మహాత్మా |

పౌండరీకాశ్వమేధాభ్యాం వాజపేయేన చాసకృత్ ।
అన్యైశ్చ వివిధైర్యజ్ఞైరయజత్ పార్థివాత్మజః |

రాజ్యం దశసహస్రాణి ప్రాప్య వర్షాణి రాఘవః ।
శతాశ్వమేధానాజహ్రే సదశ్వాన్ భూరిదక్షిణాన్ |

ఆజానులంబిబాహుః స మహావక్షాః ప్రతాపవాన్ ।
లక్ష్మణానుచరో రామః శశాస పృథివీమిమామ్ |

రాఘవశ్చాపి ధర్మాత్మా ప్రాప్య రాజ్యమనుత్తమమ్ ।
ఈజే బహువిధైర్యజ్ఞైః ససుహృజ్జ్ఞాతిబాంధవః |

న పర్యదేవన్ విధవా న చ వ్యాళకృతం భయమ్ ।
న వ్యాధిజం భయం చాసీద్ రామే రాజ్యం ప్రశాసతి |

నిర్దస్యురభవల్లోకో నానర్థం కశ్చిదస్పృశత్ ।
న చ స్మ వృద్ధా బాలానాం ప్రేతకార్యాణి కుర్వతే |

సర్వం ముదితమేవాసీత్ సర్వో ధర్మపరోఽభవత్ ।
రామమేవానుపశ్యంతో నాభ్యహింసన్ పరస్పరమ్ |

ఆసన్ వర్షసహస్రాణి తథా పుత్రసహస్రిణః ।
నిరామయా విశోకాశ్చ రామే రాజ్యం ప్రశాసతి |

రామో రామో రామ ఇతి ప్రజానామభవన్ కథాః ।
రామభూతం జగదభూద్ రామే రాజ్యం ప్రశాసతి |

నిత్యమూలా నిత్యఫలాస్తరవస్తత్ర పుష్పితాః ।
కామవర్షీ చ పర్జన్యః సుఖస్పర్శశ్చ మారుతః |

బ్రాహ్మణాః క్షత్రియా వైశ్యాః శూద్రా లోభవివర్జితాః ।
స్వకర్మసు ప్రవర్తంతే తుష్టాః స్వైరేవ కర్మభిః |

ఆసన్ ప్రజా ధర్మపరా రామే శాసతి నాన్సృతాః ।
సర్వే లక్షణసంపన్నాః సర్వే ధర్మపరాయణాః |

దశవర్షసహస్రాణి దశవర్షశతాని చ ।
భ్రాతృభిః సహితః శ్రీమాన్ రామో రాజ్యమకారయత్ |

ధర్మం యశస్యమాయుష్యం రాజ్ఞాం చ విజయావహమ్ ।
ఆదికావ్యమిదం చార్షం పురా వాల్మీకినా కృతమ్ |

యః శృణోతి సదా లోకే నరః పాపాత్ ప్రముచ్యతే ।
పుత్రకామశ్చ పుత్రాన్ వై ధనకామో ధనాని చ |

లభతే మనుజో లోకే శ్రుత్వా రామాభిషేచనమ్ ।
మహీం విజయతే రాజా రిపూంశ్చాప్యధితిష్ఠతి |

రాఘవేణ యథా మాతా సుమిత్రా లక్ష్మణేన చ ।
భరతేన చ కైకేయీ జీవపుత్రాస్తథా స్ట్రియః |

భవిష్యంతి సదానందాః పుత్రపౌత్రసమన్వితాః ।
శ్రుత్వా రామాయణమిదం దీర్ఘమాయుశ్చ విందతి |

రామస్య విజయం చేమం సర్వమక్లిష్టకర్మణః ।
శృణోతి య ఇదం కావ్యం పురా వాల్మీకినా కృతమ్ |

శ్రద్ధధానో జితక్రోధో దుర్గాణ్యతితరత్యసౌ ।
సమాగమ్య ప్రవాసాంతే రమంతే సహ బాంధవైః |

శృణ్వంతి య ఇదం కావ్యం పురా వాల్మీకినా కృతమ్ ।
తే ప్రార్థితాన్ వరాన్ సర్వాన్ ప్రాప్నువంతీహ రాఘవాత్ |

శ్రవణేన సురాః సర్వే ప్రీయంతే సంప్రశృణ్వతామ్ ।
వినాయకాశ్చ శ్యామ్యంతి గృహే తిష్ఠంతి యస్య వై |

విజయేత మహీం రాజా ప్రవాసీ స్వస్తిమాన్ భవేత్ ।
స్త్రియో రజస్వలాః శ్రుత్వా పుత్రాన్ సూయురనుత్తమాన్ |

పూజయంశ్చ పఠంశ్చైనమితిహాసం పురాతనమ్ ।
సర్వపాపైః ప్రముచ్యేత దీర్ఘమాయురవాప్నుయాత్ |

ప్రణమ్య శిరసా నిత్యం శ్రోతవ్యం క్షత్రియుైర్ద్విజాత్ ।
ఐశ్వర్యం పుత్రలాభశ్చ భవిష్యతి న సంశయః |

రామాయణమిదం కృత్స్నం శృణ్వతః పఠతః సదా ।
ప్రీయతే సతతం రామః స హి విష్ణుః సనాతనః |

ఆదిదేవో మహాబాహుర్హరిర్నారాయణః ప్రభుః ।
సాక్షాద్ రామో రఘుశ్రేష్ఠః శేషో లక్ష్మణ ఉచ్యతే |

ఏవమేతత్ పురావృత్తమాఖ్యానం భద్రమస్తు వః ।
ప్రవ్యాహరత విస్రబ్ధం బలం విష్ణోః ప్రవర్ధతామ్ |

దేవాశ్చ సర్వే తుష్యంతి గ్రహణాచ్ఛ్రవణాత్ తథా ।
రామాయణస్య శ్రవణే తృప్యంతి పితరః సదా |

భక్త్యా రామస్య యే చేమాం సంహితామృషిణా కృతామ్ ।
యే లిఖంతీహ చ నరాస్తేషాం వాసస్త్రివిష్టపే |

కుటుంబవృద్ధిం ధనధాన్యవృద్ధిం
స్త్రియశ్చ ముఖ్యాః సుఖముత్తమం చ ।
శ్రుత్వా శుభం కావ్యమిదం మహార్థం
ప్రాప్నోతి సర్వాం భువి చార్థసిద్ధిమ్ |

ఆయుష్యమారోగ్యకరం యశస్యం
సౌభ్రాతృకం బుద్ధికరం శుభం చ ।
శ్రోతవ్యమేతన్నియమేన సద్భి-
రాఖ్యానమోజస్కరమృద్ధి కామైః ॥ 125 ॥  ॥ ఇతి శ్రీమద్రామాయణే యుద్ధకాండే శ్రీరామపట్టాభిషేక సర్గః సంపూర్ణః ॥ 

📝 ప్రతిపదార్థం:

ఆయుష్యం = ఆయుస్సును పెంచునది; ఆరోగ్యకరం = ఆరోగ్యమును ఇచ్చునది; యశస్యం = కీర్తిని కలిగించునది; సౌభ్రాతృకం = మంచి సోదరభావమును ఇచ్చునది; బుద్ధికరం = బుద్ధిని వృద్ధి చేయునది; శుభం చ = శుభకరమైనది; ఓజస్కరం = తేజస్సును ప్రసాదించునది అయిన; ఏతత్ = ఈ; ఆఖ్యానం = కథను; ఋద్ధి కామైః = ఐశ్వర్యమును కోరుకొనే; సద్భిః = సజ్జనుల చేత; నియమేన = నియమముతో; శ్రోతవ్యం = వినదగినది.

పదార్థము & తాత్పర్యము: • శ్లోకము (125): ఆయుష్యమారోగ్యకరం యశస్యం సౌభ్రాతృకం బుద్ధికరం శుభం చ । శ్రోతవ్యమేతన్నియమేన సద్భి- రాఖ్యానమోజస్కరమృద్ధి కామైః ॥ 125 ॥ ॥ ఇతి శ్రీమద్రామాయణే యుద్ధకాండే శ్రీరామపట్టాభిషేక సర్గః సంపూర్ణః ॥ తాత్పర్యము: శ్రీరామ పట్టాభిషేక సర్గః లోని ఈ శ్లోక పారాయణ వలన సమస్త విఘ్నములు, భయములు మరియు గ్రహదోషములు తొలగిపోతాయి. భగవదనుగ్రహము, మానసిక ప్రశాంతత మరియు సకల కార్యవిజయం సిద్ధించును.

❓ తరచుగా అడిగే ప్రశ్నలు (FAQs)

🕉️ View all శ్రీ రాముడు Stotrams / శ్రీ రాముడు స్తోత్రాలు అన్నీ చూడండి

ఈ పాఠ్యంలో ఏదైనా తప్పు లేదా పాఠాంతరం గమనించారా? తప్పులు మరియు సవరణలను తెలియజేయడానికి ఇక్కడ క్లిక్ చేయండి.

← Previousశ్రీ రామ అష్టోత్తర శత నామావళి Next →శ్రీ రత్నగర్భ గణేశ విలాస స్తుతిః

శ్రీరామ పట్టాభిషేక సర్గః

శ్రీరామ పట్టాభిషేక సర్గః

🕉️ తాత్పర్యం (Overall Meaning)

📖 సులభమైన వివరణ (Simple Explanation)

❓ తరచుగా అడిగే ప్రశ్నలు (FAQs)

Related Stotrams

శ్రీ రామ అష్టోత్తర శత నామావళి

శ్రీ రామ రక్షా స్తోత్రం

శ్రీ రామ అష్టోత్తర శత నామావళి