సుబ్రహ్మణ్య స్తోత్రం (నీలకంఠ వాహనం)

నీలకంఠ వాహనం = నీలకంఠుడైన నెమలిని వాహనముగా కలవాడు; ద్విషడ్బుజం = పన్నెండు భుజములు (చేతులు) కలవాడు; కిరీటినం = కిరీటాన్ని ధరించినవాడు; లోల రత్న కుండల = కదులుచున్న రత్న కుండలాల యొక్క; ప్రబాభిరామ = కాంతితో మనోహరంగా ప్రకాశించే; షణ్ముఖం = ఆరు ముఖములు కలవాడు; శూల = శూలము; శక్తి = శక్తి ఆయుధము; దండ = దండము; కుక్కుత = కోడి జెండా; అక్షమాలికా = జపమాలను; ధరం = ధరించినవాడు; బాలం = బాల్య రూపము కలవాడు; ఈశ్వరం = ప్రభువైనవాడు; కుమారశైల వాసినం = కుమార పర్వతముపై నివసించువాడైన స్వామిని; భజే = సేవిస్తున్నాను.

వల్లి దేవయానికా = వల్లీదేవి, దేవసేనలతో; సముల్లసంతం = అత్యంత సంతోషంగా ప్రకాశించువాడు; ఈశ్వరం = ప్రభువైనవాడు; మల్లికాది = మల్లెపూలు మొదలైన; దివ్యపుష్ప మాలికా = దివ్యమైన పూలదండలతో; విరాజితం = శోభిల్లువాడు; జల్లలి నినాద = మంగళ వాద్యాల ధ్వనులను; శంఖ వాదనప్రియం = శంఖ నాదాలను వినడంపై ప్రీతి కలవాడు; సదా = ఎల్లప్పుడూ; పల్లవారుణం = లేత చిగురుటాకు వంటి ఎరుపు రంగు దేహకాంతి గలవాడు; కుమారశైల వాసినం = కుమారగిరిపై నివసించే స్వామిని; భజే = సేవించుకుంటున్నాను.

షడాననం = ఆరు ముఖములు గలవాడు; కుంకుమ రక్తవర్ణం = కుంకుమ వంటి ఎరుపు రంగు కాంతి కలవాడు; మహామతిం = గొప్ప బుద్ధిమంతుడు (జ్ఞాన స్వరూపుడు); దివ్య మయూర వాహనం = దివ్యమైన నెమలి వాహనము కలవాడు; రుద్రస్య సూనుం = రుద్రుని (శివుని) యొక్క పుత్రుడు; సుర సైన్య నాథం = దేవతల సేనాధిపతి; గుహం = హృదయ గుహలో నివసించు గుహుని; సదా = ఎల్లప్పుడూ; శరణమహం = శరణు కోరుతూ నేను; భజే = ఆరాధిస్తున్నాను.

మయూరాధిరూఢం = నెమలిపై కూర్చున్నవాడు; మహావాక్యగూఢం = ఉపనిషత్తుల మహావాక్యములలోని రహస్యార్థమైనవాడు; మనోహారిదేహం = మనసు దోచుకొనే అందమైన శరీరం గలవాడు; మహచ్చిత్తగేహం = గొప్ప జ్ఞానుల చిత్తమనే ఇంట నివసించువాడు; మహీదేవదేవం = భూసురులకు (బ్రాహ్మణులకు), సమస్త భూజనులకు ఆరాధ్యుడైన దేవుడు; మహావేదభావం = వేదాల యొక్క పరమ తాత్పర్యమైనవాడు; మహాదేవబాలం = మహాదేవుడైన శివుని కుమారుడు; భజే = సేవిస్తున్నాను; లోకపాలమ్ = లోకములను రక్షించువాడిని.