BG 2.60:ఓ కౌంతేయా! ఇంద్రియాలు ఎంతటి బలమైనవంటే, నిగ్రహించుకోవాలని తీవ్రంగా ప్రయత్నించే బుద్ధిమంతుడైన జ్ఞాని మనస్సును కూడా అవి బలాత్కారంగా లాక్కుపోతాయి.
యతతో హ్యపి కౌంతేయ పురుషస్య విపశ్చితః ।
ఇంద్రియాణి ప్రమాథీని హరంతి ప్రసభం మనః ।। 60 ।।
ఇంద్రియాణి ప్రమాథీని హరంతి ప్రసభం మనః ।। 60 ।।
యతతః — స్వీయ-నియంత్రణ అభ్యాసం చేసేటప్పుడు; హి — దానికి; అపి — కూడా; కౌంతేయ — అర్జునా, కుంతీ పుత్రుడా; పురుషస్య — పురుషుని యొక్క; విపశ్చితః — బుద్ధి విచక్షణ కలవారు; ఇంద్రియాణి — ఇంద్రియములు; ప్రమాథీని — అల్లకల్లోలమైన; హరంతి — లాక్కోనిపోవును; ప్రసభం — బలవంతంగా; మనః — మనస్సుని.
ఈ పాఠ్యంలో ఏదైనా తప్పు లేదా పాఠాంతరం గమనించారా? తప్పులు మరియు సవరణలను తెలియజేయడానికి ఇక్కడ క్లిక్ చేయండి.
ఇంద్రియాల అల్లకల్లోల స్వభావము
వివేకవంతుల మనస్సును కూడా లాగే శక్తి
The Turbulent Senses Drag the Mind Away
ఇంద్రియాలు అనేవి అప్పుడే పగ్గాలు వేయబడిన అడవి గుర్రాల వంటివి. అవి అత్యంత దుడుకైనవి, తెంపరితనం కలవి. వాటిని క్రమశిక్షణలో ఉంచడం సాధకులకు ఒక మహా యుద్ధం వంటిది.
ఆధ్యాత్మిక పురోగతిని కోరుకునే సాధకులు అత్యంత జాగ్రత్తగా ఇంద్రియాలను మచ్చిక చేసుకోవాలి; లేకపోతే అవి గమ్యం నుండి పక్కకు లాగేస్తాయి.
సౌభరి ముని వంటి మహా తపస్వి కూడా ఇంద్రియాల వలలో చిక్కి పతనమయ్యాడు. దీనిని బట్టి ఇంద్రియాలు ఎంత ప్రమాదకరమైనవో అర్థం చేసుకోవచ్చు. కాబట్టి కేవలం స్వీయ నియంత్రణ లేదా మొండి నిగ్రహం మాత్రమే ఇంద్రియాలను జయించడానికి సరిపోదు.
ఇంద్రియాలు నిరంతరం మనస్సును భౌతిక విషయాల వైపు లాగుతూనే ఉంటాయి. నిగ్రహం గల సాధకుడిని కూడా ఇవి పతన బాట పట్టించగలవు. అందుకే కేవలం బాహ్య నియంత్రణ కాకుండా భగవత్ శరణాగతి అవసరం అని శ్లోకం సూచిస్తుంది.