BG 2.68:కావున ఓ మహాబాహో! ఎవరి ఇంద్రియాలు ఇంద్రియ విషయాల నుండి సర్వవిధాలా నిగ్రహించబడి ఉంటాయో, అతని బుద్ధి నిశ్చయంగా స్థిరమైనది.
తస్మాద్యస్య మహాబాహో నిగృహీతాని సర్వశః ।ఇంద్రియాణీంద్రియార్థేభ్యః తస్య ప్రజ్ఞా ప్రతిష్ఠితా ।। 68 ।।
తస్మాత్ — కాబట్టి; యస్య — ఎవనిదైతే; మహా-బాహో — గొప్ప బాహువులు కలవాడా; నిగృహీతాని — నిగ్రహింపబడినవో; సర్వశః — సంపూర్ణముగా; ఇంద్రియాణి — ఇంద్రియములు; ఇంద్రియ-అర్థేభ్యః — ఇంద్రియ విషయముల నుండి; తస్య — వానికి; ప్రజ్ఞా — ఆధ్యాత్మిక జ్ఞానము; ప్రతిష్ఠితాః — స్థిరముగా ఉండును.
ఈ పాఠ్యంలో ఏదైనా తప్పు లేదా పాఠాంతరం గమనించారా? తప్పులు మరియు సవరణలను తెలియజేయడానికి ఇక్కడ క్లిక్ చేయండి.
స్థిర ప్రజ్ఞకు రాజమార్గం
ఇంద్రియ నిగ్రహమే రక్ష
The Stability of Transcendent Wisdom
జ్ఞానోదయమైన వారు బుద్ధిని ఆధ్యాత్మిక విజ్ఞానం ద్వారా నియంత్రణలో ఉంచుకుంటారు. అప్పుడు, పరిశుద్ధమైన బుద్ధితో మనస్సుని నియంత్రిస్తారు, మరియు ఆ మనస్సు ద్వారా ఇంద్రియములకు కళ్ళెం వేస్తారు. ఇది సహజమైన క్రమశిక్షణ.
కానీ, భౌతిక స్థితిలో దీనికి విరుద్ధంగా అవుతుంది: ఇంద్రియములు మనస్సుని తమ దిశగా గుంజుతాయి, మనస్సు బుద్ధిని వశపరచుకొంటుంది, బుద్ధి నిజమైన శ్రేయస్సు దిశ నుండి తప్పిపోతుంది.
ఈ విధంగా బుద్ధిని దైవిక జ్ఞానంతో నింపడం ద్వారా ఇంద్రియ నిగ్రహం సులభతరమవుతుంది.
బుద్ధిని ఆధ్యాత్మిక జ్ఞానం ద్వారా శుద్ధి చేసుకుంటే, ఇంద్రియములు నిగ్రహింపబడతాయి. ఎప్పుడైతే ఇంద్రియములు నియంత్రణలో పెట్టబడ్డాయో, బుద్ధి దివ్య జ్ఞాన పథం నుండి ప్రక్కకి తొలగదు.
అర్జునుడిని శ్రీకృష్ణుడు 'మహాబాహో' (బాహ్య శత్రువులను జయించే భుజబలం కలవాడా) అని సంబోధిస్తూ, ఇప్పుడు నీ అంతరంగ శత్రువులను జయించే ఆత్మబలం కావాలని గుర్తుచేస్తున్నాడు.
విషయ సుఖాల నుండి ఇంద్రియాలను పూర్తిగా వెనక్కి లాగడమే స్థితప్రజ్ఞుని స్వభావం.
ఇదే శాశ్వత శాంతికి ఆధారభూతమైన మార్గము.